ଭୁବନେଶ୍ବର: ରାଜ୍ୟ ବିଧାନସଭା ଉପବାଚସ୍ପତି ନିର୍ବାଚନ ଆସନ୍ତାକାଲି ହେବ। ଏନେଇ ବୁଧବାର ଦିନ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ଗୃହରେ ବିଧିବଦ୍ଧ ଘୋଷଣା କରିଛନ୍ତି। ପ୍ରଶ୍ନକାଳ ଶେଷ ହେବା ମାତ୍ରେ ବାଚସ୍ପତି ଆଜି ମଧ୍ୟାହ୍ନ ୧୨ ଟା ସୁଦ୍ଧା ଉପବାଚସ୍ପତି ନିର୍ବାଚନ ପାଇଁ ଇଚ୍ଛୁକ ସଦସ୍ୟମାନେ ବିଧାନସଭା ସଚିବଙ୍କ ନିକଟରେ ଆବେଦନ ପତ୍ର ଦାଖଲ କରିବାକୁ ଆହ୍ୱାନ କରିଥିଲେ। ସେହି ଅନୁଯାୟୀ ଶାସକ ଦଳ ପ୍ରାର୍ଥୀ ଭାବେ ଅନୁଗୁଳ ବିଧାୟକ ରଜନୀକାନ୍ତ ସିଂହ ଆବେଦନ କରିଥିଲେ। ପୂର୍ବରୁ ଉପବାଚସ୍ପତି ଆସନ ପାଇଁ ବିଜେଡି ପକ୍ଷରୁ ଶ୍ରୀ ସିଂହଙ୍କ ନାମ ଘୋଷଣା କରାଯାଇଥିଲା। ଅନ୍ୟପକ୍ଷରେ ବିରୋଧୀ ଦଳ ପକ୍ଷରୁ ଉପବାଚସ୍ପତି ପଦବୀ ପାଇଁ କାହାରିକୁ ପ୍ରାର୍ଥୀ କରାଯାଇନଥିବାରୁ ଶ୍ରୀ ସିଂହ ର୍ନିଦ୍ୱନ୍ଦରେ ନିର୍ବାଚିତ ହେବା ଏକରକମ ସ୍ପଷ୍ଟ ହୋଇଛି।
Comments are closed.