ଭୁବନେଶ୍ବରରୁ ଆଉ ୬୯୮ ପଜିଟିଭ ଚିହ୍ନଟ

ଭୁବନେଶ୍ବର: କାୟା ବିସ୍ତାର କଲାଣି ମହାମାରୀ କରୋନା। ଦିନକୁ ଦିନ ଚିନ୍ତା ବଢାଇଲାଣି ରାଜଧାନୀରେ ଆକ୍ରାନ୍ତଙ୍କ ସଂଖ୍ୟା। ଗତ ୨୪ ଘଣ୍ଟା ମଧ୍ୟରେ ଭୁବନେଶ୍ବରରୁ ଚିହ୍ନଟ ହୋଇଛନ୍ତି ୬୯୮ ଜଣ କରୋନା ଆକ୍ରାନ୍ତ। ସେଥିମଧ୍ୟରୁ କ୍ବାରେଣ୍ଟାଇନରୁ ୫୪୮ ଜଣ ଚିହ୍ନଟ ହୋଇଥିବା ବେଳେ ୧୫୦ ଜଣ ସ୍ଥାନୀୟ ସଂକ୍ରମିତ ରହିଛନ୍ତି । ଏ ନେଇ ବିଏମ୍‌ସି‌ ପକ୍ଷରୁ ଟ୍ବିଟ୍‌ କରି ସୂଚନା ଦିଆଯାଇଛି ।

Update on newly detected #COVID19 cases in the last
24 hrs under the BMC area on 23rd Apr (till 9am). pic.twitter.com/AI9t7A62gT

— BMC (@bmcbbsr) April 23, 2021

ଭୁବନେଶ୍ବରରେ ମୋଟ ୩୮ ହଜାର ୪୯୨ ଆକ୍ରାନ୍ତ ଚିହ୍ନଟ ହୋଇ ସାରିଲେଣି। ଗତ ୨୪ ଘଣ୍ଟା ମଧ୍ୟରେ ଭୁବନେଶ୍ବରରୁ ସୁସ୍ଥ ହୋଇଛନ୍ତି ୩୧୬ ଜଣ। ଏହାକୁ ମିଶାଇ ଏଯାଏଁ ମୋଟ ସଂଖ୍ୟା ୩୩୮୦୩ ପହଞ୍ଚିଛି । ରାଜଧାନୀରେ ବର୍ତ୍ତମାନ ସୁଦ୍ଧା ୨୫୧ ଜଣଙ୍କର ମୃତ୍ୟୁ ହୋଇଥିବା ବେଳେ ବର୍ତ୍ତମାନ ଆକ୍ଟିଭ୍‌ କେସ୍‌ ରହିଛି ୪୪୧୭।